l sport al è stât une des primis e plui vivis formis di cooperazion transnazionâl jenfri Italie e Jugoslavie dopo la demarcazion dal confin tal 1947. Lis primis partidis, facilitadis dal tratât di Udin (1955), a si davuelzerin jenfri lis scuadris slovenis e chês de minorance slovene in Italie. Ativitâts sportivis transnazionâls a si disviluparin dilunc dut il confin, ma chì si concentrìn sul câs di Gurize e di Nova Gorica.
De metât dai agns cincuante dal 1900, a Nova Gorica a son stadis organizadis partidis di balon e corsis di machinis. Tal deceni daspò, lis ativitâts sportivis transnazionâls si intensificaràn e a si tignaràn ancje competizions di atletiche. La cooperazion transnazionâl cui sostignidôrs dal sport talian e je fluride tai agns setante dal 1900. Di cheste fase, si varès di ricuardâ events une vore frecuentâts come la Marce de Amicizie (1976-1992) e Pedalant in Amicizie (1978-1994). In chês ocasions si passave il confin cence bisugne di mostrâ il passepuart o altri. La prove de partecipazion al event e bastave. In timp de vuere frede, Gurize e Nova Gorica a deventarin une citât cun doi nons.
I partecipants prime dal tacâ le gare ciclistiche tal 1986. I organizadôrs a permetevin ai cicliscj di passâ il confin in maniere libare tai incrosaments di Rožna Dolina, Solkan, Šempeter pri Gorici e Miren. In strade Erjavčeva / Sant Gabriêl, la recinzion di confin e fo gjavade vie par cheste finalitât.
Tal 1965, si davuelzè une competizion jenfri trê clubs di atletiche slovens a Nova Gorica: il Gurize, il Torriana (Gradiscje) e il Bor (Triest). Cheste sorte di event al lè di là dal formât di une normâl competizion sportive in gracie de gnove pussibilitât di socializâ di une bande e di chê altre dal confin.
Volantin bilengâl pe Marce de Amicizie, in colaborazion cun Turisim Sociâl dai Zovins talians di Gurize e cu la Associazion Sport Sloven di Nova Gorica. La marce e à puartât dongje plui di 55.000 partecipants tai agns, rivant al so massim tal 1985, cuant che a àn partecipât 5.500 di lôr.
