Personis
Il Prin Ministri Sloven Stane Kavčič e il Guviernadôr de Carintie Hans Sima (tal centri) dongje di Ankogel in Carintie tal 1969.
ai agns sessante dal 1900, in timp de vuere frede, si è disvilupade une colaborazion interregjonâl jenfri la Republiche jugoslave di Slovenie e i Stâts austriacs de Carintie e de Stirie. Chest al è stât pussibil in gracie dai sfuarçs des autoritâts regjonâls e des altris parts interessadis che a àn capît cemût che une Europe, di là des divisions ideologjichis e politichis, e podeve jessi otignude in maniere plui eficient midiant di un cuadri regjonâl. Al è stât un sucès impuartant pes regjons che a operavin in sistemis politics e economics diferents e a condividevin un passât une vore conflituôs.
I contats personâi e la fidance si son dimostrâts fondamentâls par costruî une cooperazion interregjonâl. Il Prin Ministri sloven Stane Kavčič e il Guviernadôr regjonâl de Carintie Hans Sima a àn disvilupât une diplomazie di visite che à dât bogns risultâts jenfri i agns sessante e i prins agns setante dal 1900. A àn ancje fevelât di cuistions sensibilis, come la situazion de minorance slovene in Carintie. Fuarçant la cooperazion regjonâl, no àn dome judât lis regjons di confin a progredî a nivel economic, ma a àn ancje cirût di superâ il passât conflituâl e di promovi la riconciliazion a nivel nazionâl.
Il Prin Ministri Sloven Stane Kavčič e il Guviernadôr de Carintie Hans Sima (tal centri) dongje di Ankogel in Carintie tal 1969.
Lis relazions di amicizie jenfri Austrie e Jugoslavie a forin metudis in mostre ae screadure dal Puint de Amicizie disore il flum Mura jenfri Gornja Radgona e Bad Radkersburg ai 12 di Otubar dal 1969. Ae screadure a jerin presints i Presidents dai Paîs confinants: Josip Broz Tito e Franz Jonas, il Prin Ministri sloven Stane Kavcic e il guviernadôr de Stirie Josef Krainer.
Lis buinis relazions di vicinance a puartarin ae costruzion condividude di un tunnel stradâl di vot chilometris sot des monts Karavanke, e che al unìs l’Austrie e la Slovenie. Il tunnel al fo viert al trafic il prin di Jugn 1991, pôc prin de indipendence de Slovenie.
