l laissez-passer al jere un passepuart bilaterâl multilengâl introdusût par facilitâ la mobilitât transnazionâl par chei che a vevin dirit. Dopo la Seconde vuere mondiâl, i confins statâi a son stats sierâts in maniere cuasi ermetiche.
Dome i abitants che a vevin proprietâts di chê altre bande o chei che a vivevin te “zone dai cent metris” a podevin traviersâ. Dut câs, za a metât dai agns cincuante dal 1900, il dirit a chest document tes zonis di confin jenfri la Austrie, l’Italie e la Jugoslavie al fo slargjât ae popolazion dentri dai dîs chilometris e plui tart al fo ancje aplicât a une zone plui grande. A son stâts creâts ponts di incrosament di “seconde categorie”, riservâts ai titolârs dal passaç. I viscj jugoslâfs a son stâts planc planc abolîts, rindint la mobilitât transnazionâl une pratiche cuotidiane par tancj abitants des zonis di confin e une pratiche regolâr par tancj altris. Cheste mobilitât plui grande e à favorît la integrazion di regjons plui grandis che si slungjavin ben di là di une striche di confin strente. Cu la introduzion de zone Schengen cence confins, il pass al à piardût la sô finalitât. Saraial reintrodusût?
Personis
Personis
Lûcs
Lûcs
Scambi di salûts pal gnûf an tal pont di passaç jenfri Italie e Jugoslavie a Fernetiči/Fernetti tal 1956. Une serie di acuardis internazionâi e bilaterâi daspò de vuere a trasformarin i ponts di passaç in centris e microcosmis di pratichis transnazionâls.
