nte zone de Alpe Adrie par secui i abitants a àn cuintribandât in mût clandestin sâl e pes salât, besteam e cjar, tabac e lane, cafè e vueli, ûfs, lat, formadi e fintremai cjarbon. In timp dal fassisim, il cuintribant al continuave a jessi une pratiche acetade in maniere sociâl jenfri lis personis plui puaris. Dopo de seconde vuere mondiâl, la int e je deventade ancjemò plui ingjenue, stant che i gnûfs confins a jerin une vore dificii di passâ. I leams economics e di lavôr a jerin rots, a jerin monedis diferentis, nivêi di stipendis e presits diviers. Al jere dificil rivâ a Triest, cussì i pendolârs a jerin privâts di sostentament.
La regjon e jere ancje plene di soldâts e di polizais che a vevin di sanzionâ il cuintribant, ma in pratiche dispès a cjalavin di chê altre bande. Fin ai prins agns cincuante dal 1900, tantis personis a sorevivevin cun lis tessaris di razion alimentâr e a vendevin robis come il zucar sul marcjât neri. Al jere ancje pussibil impuartâ in mût clandestin materiâi di costruzion di une bande a chê altre dal confin. Cuant che l’acuardi di Udin (1955) al liberalizà i passaçs di confin jenfri Italie e Jugoslavie, il cuintribant al scomençà a jessi praticât di gnûf cun plui facilitât.
Personis
Personis
Danilo Petrinja al è stât une figure impuartante te industrializazion di Koper/Cjaudistrie. Intervistât tal 2000, al à contât cemût che lis esportazions e lis impuartazions di une bande a chê altre dal confin cun l’Italie a vevin judât a eletrificâ i paîs istrians. Compagn, costruî condots di aghe di une bande a chê altre dal confin in maniere ilegâl al jere plui economic.
