l flus di capitâl che al traviersave i confins ideologjics nol jere un fenomen dal dut scognossût in timp di vuere frede. In gjenerâl al compuartave l’intervent dai Paîs capitaliscj in chei socialiscj traviers di impresis condividudis. Tai agns setante e otante dal 1900, però, al sucedeve il contrari, cu la Jugoslavie socialiste che e decidè di investî te Austrie capitaliste. Cheste sielte e je stade detade de intenzion di creâ puescj di lavôr te zone de Carintie, popolade di une minorance slovene.
Tal stes timp, il program al è stât pensât come un gnûf canâl par slargjâ la cooperazion economiche transnazionâl. Il progjet ambiziôs di investiment in struturis e servizis industriâi modernis te Carintie meridionâl, une regjon miscliçade di un pont di viste etnic, al ve reazions contrastantis a Klagenfurt e a Viene. A dispiet dai ostacui, in ogni câs, pe fin dai agns otante dal 1900 a forin creadis plui di 20 aziendis cun 800 dipendents, inte plui part de popolazion locâl. Par i pôcs dirigjents de Jugoslavie, in ogni câs, lavorâ ae intersezion dai doi sistemis politics e legâi al ufrive une esperience economiche internazionâl preziose. Dut câs, come tantis aziendis slovenis, chestis impresis no son stadis sparagnadis de stagnazion dai agns novante dal 1900.
Personis
Personis
Il volantin di un comunicât stampe publicât tal 1978 da la Kartner Heimatdienst, un grup di sostegn ai nazionaliscj todescs, che si oponeve ai investiments jugoslâfs par motîfs politics.
