a “Comunitât di lavôr dai länder e des regjons des Alps orientâls”, par solit cognossude come
“Comunitât di lavôr Alpe Adrie”, e je stade fondade a Vignesie tal 1978. E cjapave dentri il Venit
e il Friûl-Vignesie Julie (Italie), la Carintie, la Alte Austrie, la Stirie (Austrie), la Cravuazie e la
Slovenie (Jugoslavie). La Baviere (Gjermanie ocidentâl) e il Salisburc (Austrie) a àn partecipât
come osservadôrs. Il disvilup de Comunitât di lavôr Alpe Adrie al è lât daûr di un model che al
leve dal bas viers l’alt: i guviers regjonâi a àn cjapât sù lis domandis di cooperazion
transnazionâl fatis dai imprenditôrs locâi, des cjamaris di cumierç e dai inteletuâi, e lis àn
trasformadis in iniziativis politichis.
La Comunitât di lavôr Alpe Adrie e jere un catalizadôr par une cooperazion interregjonâl
struturade ator di sîs setôrs principâi: planificazion teritoriâl e protezion ambientâl; traspuart e
trafic; culture, informazion, sience e politichis pai zovins; economie; agricolture, bosc,
arlevament dal besteam, economie di mont; salût e igjien. E à ancje scomençât la cooperazion
jenfri lis universitâts, i incuintris jenfri gjornaliscj di radio e television, i “zûcs pai zovins” e il
“passepuart culturâl de Alpe-Adrie”. E à svilupât studis su la gjestion des aghis e su la protezion
dal patrimoni storic. La integrazion interregjonâl che e cjape dentri lis regjons talianis,
austriachis, jugoslavis e ongjaresis e à superât lis barieris de vuere frede.
Personis
Personis
I sogjets che a promovevin la cooperazion interregjonâl dentri de Comunitât di lavôr Alpe Adrie
a jerin i rapresentants politics dai guviers regjonâi. In cheste fotografie, cjapade in ocasion dal
diesim aniversari celebrât a Vignesie tal 1988, Pieri Ambrozy (Guviernadôr de Carintie) e Carlo
Bernini (Guviernadôr de Regjon dal Venit) a son sentâts bande a bande.
Lûcs
Lûcs
Jenfri il 1978 e il 1988, la Comunitât di lavôr Alpe Adrie si è slargjade al Trentin-Sud Tirôl (1981)
e a la Lombardie (1988) in Italie, al Burgenland austriac (1987), al Györ-Sopron e al Vas in
Ongjarie (1988) e a la Bavarie (1988). Dopo il 1989, si è slargjade ancjemò cjapant dentri lis
regjons ongjaresis di Zala, Baranya e Somogy, al Canton Ticino in Svuissare, e a la regjon taliane
de Emilia Romagna.
Pratichis
Pratichis
La idee di cooperazion interregjonâl inte regjon de Alpe-Adrie e je nassude tes fieris locâls che a
cjapavin dentri imprenditôrs di Italie, Austrie, Slovenie e Cravuazie dai agns ‘60. La ilustrazion
dal volantin de Fiere di Lubiane dal 1981, preparade de Federazion Regjonâl dai Industriâi dal
Venit.
